Aurtengo edizioa prestatzeko bi batzar egin dituzte dagoeneko. Lehenengoa irailaren amaieran egin zuten, eta hamabost herritar inguru bildu ziren ekimenaren inguruan informatu eta lanak banatzeko. Bigarren bilera, berriz, urriaren 1ean izan zuten, eta entitateen parte hartzearen gaineko balorazioa egin zuten. Euskaraldiko Antzuolako koordinatzaile Lierni Legorburuk adierazi du "gustura" daudela bildutako emaitzarekin, eta gogorarazi du norbanakoen txanda dela orain.
Datozen asteetan berriz bilduko dira antolaketa lanetan jarraitzeko, baina zehazteke dago data. Legorburuk herritar oro animatu nahi izan du bai parte hartzera, baita prestaketa lanetara batzera ere.