"Hamazazpi Arrola mendizale amorratu irten gara 09:00etan Olaranetik. Maskaren kontua nola kudeatu arduratu gaitu, baina ekin diogu bideari. Mugarriz mugarri izeneko ibilbidearen lehendabiziko etapa egiteko helburuz, Burubiko, Beheko-errota, Lapurzubi, Bidegurutz, Galartza, Etxeberrisoro zeharkatuz (M)ugarrixa baserriraino izan da gure lehen etapa.
(M)ugarrixa baserritik hasi gara Itxumendira eramango gintuen bidea egiten, baina aurretik Errezinategi izeneko gainera iritsi gara (batzuk Elosu gaina deitzen diote). Beraz, Antzuola eta Bergara udalerrietako mugarriak jarraituz Itxumendin egin dugu egonaldia. bertako ikuspegia, benetan izugarria da, eta ohitura dugun bezala, taldeko argazkia atera dugu. Ingurune ezezagun asko ikusi ditugu ibilaldian zehar, baina ezezagunen artean "Baztarriña" baserriak daude: goikoa eta azpiko Bazterriñak. Urola ibai aldera dauden baserriak dira. Hutsik daude une honetan, baina bertatik ikusgarria da Antzuolako udalerriak duen ikuspegia eta hemen ere taldeko argazkia atera dugu. 17 kilometro eta ia bost orduko ibilbidea azkarra egin dugu. Bigarren etapa prestatzen ari gara eta animatzen bazara gu prest zu hartzeko taldean. Animatu, ez zara damutuko eta!".