EH Bildu izan da indar bozkatuena Antzuolan botoen erdia baino gehiago eskuratuta (%51,39). 2016ko hauteskundeetan botoen %48,76a eskuratu zuen EH Bilduk, eta oraingoan emaitzak hobetu egin ditu. Bigarren indarra EAJ izan da botoen %34,32 eskuratuta, eta jeltzaleek ere hobetu egin dituzte 2016an lortutako emaitzak (botoen %30,40 lortu zuen).
Hirugarren indar bozkatuena PSE-EE izan da, botoen %6,86a eskuratuta, eta sozialistek, Elkarrekin-Podemos gainditu dute, aurreko hauteskundeetan alderdi morea izan zen-eta hirugarren indar bozkatuena. Moreek botoen %3,9a lortu dute (2016an botoen ia %10a lortu zuten).
PP eta Ciudadanos alderdiek osatzen duten koalizioak 15 boto eskuratu ditu Antzuolan (bien artean 37 lortu zituzten 2016ko hauteskundeetan), eta EQUO-Berdeak izan da seigarren alderdi bozkatuena 9 botorekin. Voxek 4 bozka lortu ditu Antzuolan.