Egubakoitz goizean, maiatzaren 22an, ohartu ziren eskolako obrako langileak zenbait material eta tresna falta zitzaizkiela. Horrez gain, aluminiozko ateak ere bortxatuta zeudela ohartu ziren. Ertzaintzak jakinarazi duenez, obratik hainbat material eta lan tresna lapurtu dituzte. Gainera zenbait ate ere bortxatu dituzte. Eskola barruan, aldiz, zazpi atek jasan dituzte kalteak eta telebista bat ere lapurtu dutela zehaztu du Ertzaintzak.
GOIENAri jakinarazi dionez bi salaketa jarri dira: lehena eskolak jarri du, eta bigarrena, obraren arduradunak. Izan ere, eskola barruan nahiz obra gunean egin dute lapurreta. Ertzaintzak ikerketa zabalik dauka.