Artzamendi enpresa hasi da asteon obra abiatzeko beharrezkoa duen makineria eta materiala Eztarala eroaten. Aldagelak eraisteko lanak, ordea, datorren astean hastea adostu zuten asteleheneko batzarrean. Lehenik, ordea, Artzamendiko langileek aldagela barruak hustu beharko dituzte: "AKEk bere gauzak atera ditu aldageletatik. Enpresak, aldiz, ur-bonbak eta galdara atera beharko ditu barrutik. Egoera onean daude eta gorde egingo dira berriro era-biltzeko", kontatu du Ibon Gezalaga Antzuola Kirol Elkarteko presidenteak.
Denboraldi berrirako prest
Abuztu amaierarako aldagelak prest egongo dira eta obra amai-tuta egongo da.Aurrefabrikatutako aldagelak, berriz, Eztalan segituko dute behin behinekoz berriro erabili behar badira ere. "Ez ditugu kenduko; izan ere muntaia lanak garestiak dira eta ez dakigu berriro erabili beharra izango ote dugun. Alokairua ordaintzen jarraituko dugu berriro erabili beharra suertatzen bada ere".
