Landatxoperen Kulturaldia
Martxoaren 12an, antzerki emanaldiaz gozatuko dute, ONCEkoen Algo habrán hecho ikuskizunarekin, Torresoroan, 18:00etan. 14an, Antzuolako kirolaren eta nagusiki atletismoaren historiaz jardungo du Jose Inazio Garitanok, Torresoroan, 11:00etan.Erakusketa jarriko dute martxoaren 21ean, 22an, 28an eta 29an, Olaranen (18:30-20:30). Martxoaren 17an, Umore Ona Ordiziako erretiratuen abesbatzak emanaldia eskainiko du Torresoroan, 18:30ean. Martxoaren 18an, Antzuola ezagutzeko ibilaldia egingo dute erretiratuek, 17:00etan. Martxoaren 25erako, eguaztena, merienda antolatu dute eta Landatxopen sorpresaren bat egongo dela aurreratu dute, 18:15ean hasita. Kulturaldia borobiltzeko, martxoaren 31rako, Leitzako Peru Harri museora bisita eta bazkaria antolatu dute.