180 dantzarik girotuko dituzte Aratusteak, bihar

Maider Arregi 2020ko ots. 21a, 10:16

Lehenengoz, zapatuan ospatuko dituzte antzuolarrek aratusteak. Herritarren parte hartzea indartzea helburu, 180 lagun inguruk dantza egingo dute bihar eguerdiko saio nagusian. gaur, ordea, herriko gaztetxoendako mozorro-festa eguna izango da

Aratuste-festaren izaera eta par-te hartzea indartzeko asmoz, herritarrek aurten lehenengoz, zapatuan ospatuko dituzte Aratusteak. Hala, egitarauak bere osotasunean eutsi dio, eta goi-zean, 10:30ean, kalera irtengo dira Oinarineko dantzariak Hartza, Tximinoa eta Hezitzailea lagun dituztela. Bi taldetan ba-natuko dira eta 40 bat lagun ariko dira dantzan. Eguerdiko saio nagusian, aldiz, 180 herritar inguruk dantza egingo du, 12:30ean plazan. Ondoren, herri bazkaria eta musika izango dira protagonista gauerdira arte.

Odol-emaileen elkarteak ohartarazi du, urtero lez, eguerdian plazan izango direla herritarren borondatea jasotzeko prest.

Haurrek, gaur

Pausoka elkartearen eskutik, herriko gaztetxoenek gaur arratsaldean ospatuko dute mozorro-festa. Arratsaldeko lauretatik aurrera, Pausokako gurasoek prestatutako txokolate beroa eta torradak banatuko dituzte. 17:00etan, umeendako dantzaldia egongo da Zurrategi plazan Girotu Plaza! taldearekin.

Aratuste-martitzena erretiratuendako

Aurten ere umore fina eta alaitasuna izango dira nagusi Landatxope elkartean. Izan ere, Aratuste-martitzena herriko erretiratuendako eguna da. 18:30ean hasiko da mozorro festa eta mozorro originalenak saria izango duela aurten ere aurreratu dute Landatxope elkarteko kideek. Horregatik, dei berezia egin diete mozorrotuta parte har dezaten erretiratuei.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak