Extremadurara astebeteko bidaia antolatu du Landatxope erretiratuen elkarteak. Maiatzaren 4tik 10era joango dira. Besteak beste, Plazentzia, Caceres, Trujillo, Quintana de la Serena, Merida eta Olivenza ezagutuko dute. "Extremaduratik etorritako jende asko bizi da Antzuolan. Informazioa jaso, prezioen berri eman eta zalantzak argitzeko bilera egingo dugu Landatxopeko egoitzan bihar, martitzena, 17:00etan", argitu dute.
'Paziente Bizia'
Osakidetzako arduradunak Paziente Bizia programaren nondik-norakoak azalduko ditu Landatxope jubilatu elkartearen egoitzan hilaren 29an, 17:30ean. Gaixotasun kronikoak dituztenak euren burua zaintzen laguntzeko egitasmoa da, gaixoen laguntzaileentzat ere aproposa. Zortzi aste iraungo du programak. Paziente Bizia ez da erretiratuendako soilik eta herritar oro dago parte hartzera gonbidatuta. Landatxopek jakinarazi dio GOIENAri programan parte hartuko duela.