Ia 14 kilometro izango dituzte aurretik Antzuolako Zortzi Miliak lasterketako 240 parte hartzaileek. VIII. edizioa otsailaren 16an izango da eta dagoeneko dortsal guztiak agortuta daude. Facebook bidez jakinarazi dute antolatzaileek. "Hiru ordutan plaza guztiak beteta... izugarria! Eskerrik asko benetan! Sentitzen dugu plaza barik gelditu zare-tenengatik, baina lasterketaren kalitatea mantentzeko kopurua jarri beharra daukagu; eskerrik asko eta gogor entrenatu", iragarri dute.
10 dortsal zozketatu dira
Antzuolarren artean 10 dortsal zozketatu dira aurten ere. Hauek dira sarituak: Aitor Atxa; Markel Lete; Xabier Iparragirre; Danel Kortabarria; Iñigo Alon-so; Erlantz Iturbe; Txomin Arzallus; Luis Mari Larrea; Mikel Lizarazu eta Bittor Arbulu, hurrenez hurren.Antolatzaileek ohartarazi dute boluntarioak ere beharko dituztela lasterketa egunera begira hainbat lan egiteko eta interesa dutenek mezua bidali dezaketela antzuolako8m@gmail.com helbidera idatzita.
