Gabonetan ekintza ugariz gozatzeko aukera izango da: Elvis gospel kontzertua, Olentzeroren eta Mari Domingiren jaitsiera eta Gabon Kopa. Abenduaren 23an baina, astelehena, herriko txikitxoendako magia ikuskizuna izango da Torresoroan, 18:30ean, Kidam magoarekin. Sarrera 3 euro.
'Elvis gospel' kontzertua
The Upper Room taldeak bihar eskainiko du, Torresoroan, Elvis gospel izena duen kontzertua. Emanaldia 19:00etan hasiko da, eta, abesti propioez gainera, Elvis Presleyren doinuak abestuko dituzte.
Olentzero eta Mari Domingi
Abenduaren 24an, Gabon kalejira egingo dute eskolako umeek eta horien gurasoek, 11:00etan hasita. 18:30ean, Olentzero eta Mari Domingi San Josetik jaitsiko dira eta ondoren ekitaldia izango da plazan.
Gabon Kopa
Abenduaren 26tik 30era bitartean, pilotako Debagoieneko Gabon Kopa izango da Antzuolan, non herriko zein eskualdeko benjamin, alebin eta infantil mailetako neska-mutikoek hartuko duten parte.
San Esteban krosa hilaren 26an
Abenduaren 26an, San Esteban krosak hartuko ditu Antzuolako kaleak. 17:30ean, 5 urteko LH-1eko eta LH2-ko ikasleen txanda izango da. 17:45ean, benjaminak eta alebinak irtengo dira. Eta 18:00etan, infantilak eta helduak. Antolatzaileek boluntarioak behar dituzte ibilbidean egoteko.
