Antzuolako Udalak bi pertsona kontratatuko ditu hiru hilabeterako. Udal langileekin batera garbiketa eta peoi lanak egiteko izango da. Batek, Diru Sarrera Bermatzeko Errenta kobratu beharra dauka; eta besteak, berriz, familia-ardura daraman emakumea izan beharra dauka. Eskaera egiteko epea abenduaren 13an bukatzen da.
Enplegu planaren baitan, negurako garbitzailea eta peoia kontratatzeko deialdia egin du Udalak. Eskaera Lanbideren bidez egin behar da nahitaez, eta eskaera egiteko epea abenduaren 13an bukatzen da. Antzuolan erroldatua, Eskola Ziurtagiria edo baliokidea ezinbestekoak izango dira. Baita gidatzeko B-1 baimena ere eta, gutxienez, lehen hizkuntza eskakizuna. Horrez gain, Lanbideko deialdiak ezartzen dituen baldintzak bete beharko dira. Informazio gehiago: www.lanbide.eus eta Udal bulegoetan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
