"Proposamena egiteko, herritarrek izen-abizenak eman beharko dituzte, eta aukeratutako kirolariaren izena jarri. Aukeraketa librea da eta kirolari batek lortutako emaitzak, ibilbidea... saritzeko aukera izango dute", dio Kirol zinegotzi Garazi Larreak. Gero, bozketa egingo dute. "Ondorengo egunetan udaletxean jarriko dugu bozkatutakoei botoa emateko buzoia". Boto gehien jasotzen duen kirolariak abenduan Debagoieneko Kirol Sarietan Antzuola ordezkatuko du. Eta San Esteban egunean herriko aitortza ere jasoko du.
Iaz, Alaitz Urkiolarendako
Iaz, Alaitz Urkiola pilotua izan zen aitortza jaso zuen kirolaria. Lehenengoz antolatu zen sari-keta aberasgarria eta polita izan zela nabarmendu du Larreak: "Urkiolaren ibilbidea ezagutzen ez zuten askori pilotuaren lana gerturatu genion sariketari esker; polita izan zen".
