Parte hartze prozesuaren bitartez, Antzuolako udalak herritarrekin batera herriko kultura jardueraren inguruko hausnarketa egin gura du azaroan hasi eta urte bukaera bitartean. Izan ere, 2018an abiatutako Antzuolako Plan Estrategikoa 2018-30 ekimenaren baitan, herritarrek azaleratutako kezka eta lehentasunen artean herriko kultura jarduera zegoen. Hiru saio aurreikusi ditu Antzuolako udalak: lehena azaroaren 28an, eguena, egingo da; zehazki, mahai ingurua izango da. Bertan, herriko kulturaren bueltan lanean dabiltzan eragile, elkarte zein profesionalei eginiko elkarrizketak hausnartuko dituzte. Abenduaren 12an eta 19an, aldiz, saio irekiak egingo dira. Guztiak Olaran etxean, 18:30ean hasita.
Larrua eta alardea
Aurten jada kultura oinarri, bi saio egin dituzte. Lehen saioan larrugintzaren ondareaz jardun zuten herritarrek; bigarren saio irekian, berriz, Mairuaren Alardearen 10. urteurrena dela-eta balorazioa egin zuten