Antzuolako Haur Dantzarien Eguna opatuko da urriaren 20an, domeka. Antzuolako Oinarin dantza taldeaz gain, beste sei herritako dantza taldeek ere parte hartuko dute: Arrasateko bi taldek, Aretxabaletakoak, Soraluzekoak, Legazpikoak, Zumarragakoak eta Oñatiko taldeak, hain zuzen ere. Zortzi dantza talderen emanaldiak izango dira ikusgai. Izan ere, 210 haur dantzari etorriko dira eta, guztira –Oinarineko haur dantzariak batuta–, 340 haur dantzarik alaituko dituzte herriko kaleak domekan.
Egun osoko egitaraua prest dute antzuolarrek. Hala, 10:30ean, beste herrietako dantzariei harrera egingo diete Herriko Pla-zan. Goizeko hamaikak aldera hasiko da dantza taldeen kale-jira herriko kaleetan barrena. Eta 12:45 aldera, Zurrategi plazan goizeko saioa egingo dute.13:30ean, aldiz, haurrak etxeetara bazkaltzera eramango dituzte eta arratsaldeko saio nagusia 17:30ean hasiko da, Herriko Plazan.