Iraileko ohiko osoko bilkuran, aho batez onartu zituzten euskara bideratutako dirulaguntzak. Aurreko agintaldiko batzordean onartuta zeuden arren laguntza hauek, berriro onartu behar izan dituztela azaldu zuen Kultura zinegotzi Garazi Larreak: "Agintaldi berriko zinegotziekin eta Kultura batzordean, berriro onartu behar izan ditugu euskarara bideratutako laguntzak".
Iazko ildo berean banatuko dira laguntzak, ez dute-eta apar-teko eskaerarik jaso. "Urtero talde berei ematen zaie laguntza, ez dago aldaketarik, ez baitago bestelako eskaera berririk", argitu zuen Larreak. Guztira, 19.700 euro pasatxo banatuko ditu Antzuolako Udalak:Hala, Herri Urratsi, Nafarroa Oinezi eta Kontseiluari 500 euro banatuko zaizkie; Badiharduguri, 125 euro; Goienarekin hitzar-mena du Udalak eta 17.266 eurokoa da hitzarmena. Aurten, kopuru altuagoa bideratuko da Lanbide Heziketako euskarazko materiala sortzeko lanean diharduen Lanekirendako, 875 euro.