Udaletxeak antolatuta, eskulan tailerretan aritzeko aukera izango dute antzuolarrek aurtengo ikasturtean. Umeen kasuan, (1. mailatik gora) ostegunetan, 16.45-17.45ak bitarte izango dute hitzordua eta bi txandatan banatuko dute tailerra: urriaren 3tik otsailaren 9ra eta otsailaren 16tik ekainaren 18ra. Tailerrak 12 euroko prezioa izango du hileko eta gehienez 9 ume onartuko dira taldeko. Kopurua gaindituz gero, zozketa egingo da.
Helduei dagokienez, asteazkenetan 17:00-18:45 artean izango da tailerra. Ostegunetan aldiz, 14.45-16.30 eta 18.00-19.45 bitarte. Nagusien kasuan, hileko kuota 24 eurokoa izango da.
Tailerra Edurne Uribesalgok emango du eta norberak nahi duen lana egiteko aukera egongo da; Kuadroak margotu, gauzak zaharberritu, egurra margotu, objetuak itxuraz aldatu. Izena emateko azken eguna: irailaren 27a izango da eta udaletxean bertan egin daiteke, izen emate orria beteta.
