"Urte luzeetan ari da Jaizkibel konpainia, eta berarekin batera hondarribiar emakume eta gizon multzo handi bat, emakumeek jaian parekotasunez parte hartzeko duten eskubidea aldarrikatzen eta urtez-urte une gogorrak bizi izan dituzte funtsezko eskubide hau gauzatu nahian. Alardea, herritar guztien ondare kulturala izanik, jai integratzailea behar du izan, herritar ororen parte hartzea bermatuz inongo mugarik gabe. Herri baten kultura-ondarea osatzen duten alardearen gisako adierazpen eta ospakizun tradizionalak ez dira estatikoak, ezta aldaezinak ere, unean-uneko emakume eta gizonek bereak dituzten balioen arabera bilakatu eta aberasten dira. Horrela lortzen dute mendez mende irautea. Ziur gaude jaia berdintasunean bizita denok dugula zer irabazi, alardeak berak ere zer esanik ez!", azaldu du elkarteak kaleratutako oharrean.
Antzuolako Udaleko eta Alardearen Elkarteko ordezkariak bihar Hondarribian izango dira Jaizkibel konpainiari babesa adierazteko. Azpimarratu gura dute alardea, herritar guztien ondare kulturala dela eta jai integratzailea izan behar duela herritar ororen parte hartzea bermatuz.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak