Kongoren eta Senegalen aldeko elkartasun eguna egin zuten egubakoitzean Antzuolan Anelkar elkarteak antolatuta. 38 patata tortilla egin zituzten eta pintxotan jan zituzten denak. Tortilletako lau, gainera, Bergarako Ndank Ndank elkartekoek eraman zituzten. "Gure gonbidapena onartu eta hemen izan dira, bai. Musika ere jarri dute", dio Anelkar elkarteko Jabi Etxanizek.
Patata tortilla pintxoez gain, txistorrarekin, hirugiharrarekin eta muskuiluekin prestatutakoak ere banatu zituzten: 464 pintxo guztira. 1.212 euro batu zituen Anelkarrek Kongorako eta Senegalerako; Ndank Ndank elkarteak 250 euro. "Oso pozik gaude sortu zen giroarekin eta jendearen erantzunarekin. Eskerrak eman gura dizkiegu herritarrei euren ekarpenengatik", adierazi du Etxanizek.
