Uztailaren 18tik 21era bitarte, trafikoa itxita egongo da Kalebarren 17tik (zubia barne) Buztinzuri 15era bitarteko tartean, baita Sagasti 1etik frontoi osterainokoan ere. Era berean, Uztailaren 16tik (martitzena) 23ra (martitzena) debekatuta egongo da Herriko plazan, Eskola aurrealdean eta Sagasti 1etik frontoi osterainoko tartean aparkatzea.
Hondakinei dagokienez, uztailaren 17an (eguaztena) traste zaharrak ohiko ordutegian atera ahalko dira. Uztailaren 19an (egubakoitza) berriz, 09:00etatik 12:00ak arte baino ezingo dira atera ontziak. Uztailaren 20ean eta 21ean ere, 09:00etatik 12:00ak arte atera ahal dira organikoa eta errefusa, hurrenez hurren. Horretaz gain, San Josepeko larrialdi gunean organikoa eta ontzi arinentzat edukiontziak jarriko dira eta Ondarrerako bidean beira edukiontzia.