Aritz Kortabarria txirrindulari antzuolarrak 23 urtez azpikoen Espainiako txapelketan parte hartu du. Eulen taldeko txirrindularia Euskadiko selekzioarekin aritu da Murtzian eta onenekin lehiatu da. "Sufritu" egin duela eta "bero handia" pasa duela kontatu du.
Sekulako esperientziarekin itzuli da Kortabarria etxera: "Oso esperientzia ona izan da, gustura ibili ginen. Lasterketaren hasieran ihesaldi handia izan zen eta karrera erabakita geratu zen; hortik aurrera pelotoian sufritu nuen, bero handia zegoen", aitortu du Eulen taldeko txirrindulariak.
Uztaileko bigarren asteburuan, baina, Antzuolan jokatuko den Lehendakari Sarian izango da Aritz Kortabarria.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.