Antzuolako txirrindulariak 23 urtez azpikoen Espainiako txapelketan parte hartuko du bihar, zapatua. Murtzian izango da lasterketa. Eulen taldeko txirrindularia Euskadiko selekzioarekin arituko da. Ander Altuna arduradunak hautatu du antzuolarra beste bederatzi lagunekin batera. Selekzioan lagun izango ditu Kortabarriak: Jon Agirre, Xabier Mikel Azparren, Iker Ballarin, Oier Ibarguren, Unai Iribar, Oier Lazkano, Mikel Mujika, Ibon Ruiz eta Iñigo Elosegi. Aurten egindako lan onaren fruitua izan da Kortabarriarentzat selekzioaren deia jaso eta Murtzian aritzeko aukera izatea.