Asteburuan San Martzial jaiak ospatuko dituzte

Aurten ere ekintzez lepo datoz Lizarraga auzoko San Martzial ermitan ospatzen diren jaiak. Bihar, zapatua, egingo dute herri mailako plater tiroketa txapelketa. Iluntzean, trikitilarien doinuek lagunduta, herri afaria egingo dute eta ondoren, erromeria izango da.

Domekan, aldiz, 11:30ean, San Martzialgo igoera egingo dute gaztetxo txirrindulariek –12:00etan sari banaketa–. 12:00etan, meza egingo da eta ostean, luntxa erretiratuendako. Ondoren, herri bazkaria egingo dute auzotarrek. Eta bazkalostean hasi eta festa amaitu arte, erromeria Jon Ostolaza eta Andoni Ezkerra trikitilarien eskutik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.