Bi ibilgailuren arteko istripua izan zen eguazten arratsaldean, Antzuolatik Bergarara bidean, GI-2632 errepidean, kamino zaharrean. Talka horren ondorioz, auto bateko gidaria, 85 urteko gizonezko antzuolarra, A.M., bertan hil zen; beste autoan zihoan emakume antzuolarra zaurituta eroan zuten ospitalera, Arrasatera.
Segurtasun Sailak adierazi duenez, Mitsubishi Montero eta Volkswagen Golf autoek aurrez aurre talka egin zuten. Laster bertaratu ziren Larrialdi zerbitzutakoak, baina Mitsubishi ibilgailuan zihoan gizonezkoa bertan hil zen. Volkswagen autoko emakumea, ostera, Debagoieneko ospitalera eraman zuten zauriekin.
Bai gizonezkoa eta baita emakumezkoa ere, biak antzuolarrak. Alejandro Mujika, herrian ezaguna zen eta Mairuaren Alardean urte askoan parte hartu zuen artillero-buru gisa.