Gipuzkoako hainbat herritako taldeak etorriko dira lasterketan parte hartzera.
Oharrak:
Infantil-mailan lehiatzeko, derrigorrezkoa da federazioaren lizentzia edukitzea; baina alebin eta benjaminetan lehiatzeko ez, nahikoa da eskola-kirolean izena emanda egotea. Benjamin mailan edozein bizikleta erabil daiteke; alebinetan, berriz, piñoiek tamaina jakin bat izan behar dute. Eskolako umeren batek alebinen lasterketan parte hartzea nahiko balu, eta bizikleta egokirik ez baleuka, Udalera jo eta Lokatzakoekin jarri beharko da harremanetan beraiek bizikleta ekar dezaten; benjaminak, berriz, edozein bizikletarekin posible dute. Benjaminak 9 eta 10 urteko neska-mutikoak dira; alebinak 11-12koak.