Aralarrera irteera egingo du Arrolak zapatuan

Arrola Mendizale taldeak, eguraldi txarragatik atzeratu behar izan zuen irteera zapatuan egingo du. Hala, Aralarreko parajeez gozatzeko irteera egingo dute.

"Aralar ezezaguna 'ezagutzeko' asmoarekin Lizarrusti, Igaratza, Ganbo, Irazustako lepoa, Enirio, Lareoko urtegia eta berriro Lizarrustira buelta egingo dugu. Ibilaldi ikusgarria da eta denetik du: monumentu megalitikoak, artzain-txabolak, egindako pista istilutsuak, belardiak, urtegia... Paisaia ikusgarria eta ezezaguna". Sei bat orduko ibilbidea, lagun artean erraz egiten dena dela diote. Izena arrolamt@gmail.com helbidean eman beharko da. Irteera goizeko 08:30ean Olaranen.