Gaur abiatuko du Pausokak eskola ereduaren aldeko sinadura bilketa

Antzuolako eskola eredua babesteko, sinadura bilketa abiatuko du gaur Pausoka Guraso Elkarteak. Helburua da herritar ororen atxikimendua jasotzea eta herriko hainbat gunetan mahaia jartzea sinadurak jasotzeko. Egun, Herri Eskolak bizi duen egoera zein den herritarrei helaraztea ere bada guraso taldearen asmoa.

Gaur Kalebarrenen jarriko dute mahaia 19:00etik 21:00etara. Bihar, eskola aurrean jarriko dute mahaia 16:30etik 17:30era. Domekan, 12:30etik 14:30era eta 19:00etatik 21:00etara Kalebarrenen. Maiatzaren 28an eta 30ean ere eskola aurrean egongo da aukera 16:30etik 17:30era: eta azken eguna, ekainaren 1ean, 12:00etatik 14:00etara Kalebarrenen.