Erretiratuek tinko jarraitzen dute pentsio sistema publikoaren bermea aldarrikatzen

Aste honetan, baina, ohiko mezuari beste bat gehitu diete eta xingola beltza jantzi dute: geroz eta pertsona nagusi gehiagok jasaten duen bakardade eta isolamendua salatu dute. Izan ere, azken egunetan Benidormen eta Euskal Herrian, hilik aurkitu dituzte bakarrik bizi ziren nagusiak euren etxebizitzatan. "Isolamendu horren arrazoiak anitzak dira: igogailu faltagatik etxetik irteteko arazoak, senide eta inguruarekiko harreman eskasak, aisialdirako baliabide ekonomiko falta, tristezia eta depresioa. Honen aurrean, arazoari aurre egiteko politikak martxan jartzeko eskatzen dizkiegu erakundeei, eta herritar orori isolamendu arriskuan dauden pertsonei babesa eta laguntza eskaini diezaietela aldarrikatu gura diegu ere".