Lehen bi kanporaketak maiatzaren 5ean eta 12an jokatuko dira 09:00etan hasita udal pilotalekuan. Finala aldiz, maiatzaren 18an, San Isidro egunean, arratsaldeko seietan hasita jokatuko da. Lau pilotari antzuolarrek hartuko dute parte. Leire eta Nagore Galeano ahizpek bikotea osatuko dute infantil-kadete mailan. Olatz Insaustik eta June Garaikoetxeak, aldiz, benjamin-alebin mailan jokatuko dute.
Domekan emango zaio hasiera emakumezkoen lehen San Isidro pilota txapelketari. Antzuolako eta bailarako pilotariez gain, Gipuzkoako, Bizkaiko nahiz Nafarroako pilotariek ere parte hartuko dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak