Herriko historiako gakoak ezagutzeko bisita gidatua

Herriko historiako gakoak ezagutzeko bisita gidatua

Antzuolako ezkutuko altxorrak eta historia bertatik bertara ezagutzeko aukera izango da maiatzaren 12an, domeka, Debagoieneko Turismo bulegoaren eskutik. 12:00etan hasiko da bisita gidatua eta interesa dutenek aurrez izena eman behar dute: 943 79 64 63 edo turismo@debagoiena.eus helbidean.


Antiguako ermita

Antiguako ermita, Erromaniko garaiko eliza da, Santiagoko bidean dagoena. Barruan hainbat aldare ditu: ezkerrean Santo Kristoa eta eskuinean Doloreetako Ama. Azken hori 1696an eraman zuten Arrasatetik. Ermitako irudi aipagarriena 103 zentimetroko Andre Maria da. XIII. mende amaiera eta XIV. mende hasierako egurrezko irudia, alegia.

Parrokia

Errukizko Amaren parrokian egingo dute bisitariek beste geldialdi bat ere. 1524. urtean eraiki, eta 1540an egun dagoen tokia ipini zuten. Kanpandorrea, aldiz, 1866. urtekoa da eta egungo erretaula 1585. urtekoa.