Sentsazio onekin
"Karrera hasiera aldrebesa izan nuen; jausi eta bizikleta birritan aldatu behar izan nuen. Baina ondoren eguneko ihesaldia hartu nuen eta esprint berezitako saria lortzeko aukera izan nuen", azaldu du Kortabarriak.
"Gustura" dago Kortabarria, batez ere "aurreko asteetan baino sentsazio hobeak" izan zituelako.
Espainiako Koparako puntuagarria
Eibarren jokatutako Balentziaga Oroitzarrea Espainiako Koparako puntuagarria da, eta eliteek eta 23 urtez azpikoek parte hartzen dute. Zierbenako ziklista Iñigo Elosegik –Lizarte– irabazi zuen oroitzarrea 4.09.02 denbora eginda.
Lasterketa aldrebes hasi arren, esprint berezien saria lortu zuen antzuolarrak, eta sari horri dagokion maillot zuria jantzi zuen.
