Aurretiazko borondateak
Herritarrei aurretiazko borondateen dokumentua aurkeztea da asmo nagusia, baina, hori ardatza izanik, beste gai batzuk jorratuko dira; besteak beste, heriotza, dolua eta sufrimendua. Izan ere, dokumentu horretan, nork bere azken egunak nola igaro nahi dituen adierazi dezake; hau da, nolako heriotza nahi duen, norekin egon nahi duen heriotzaren momentuan...
Ezkutuko gaiak
Gai sakon horiei buruz egiten den lanketaz galdetuta, Zabalak honako hau adierazi du: "Gaur egungo gizartean arrakasta duen pertsona da eredugarria eta horri buruzko albisteak entzuten ditugu; aldiz, heriotza, sufrimendua eta halako gaiak ezkutatu egiten dira". Egoera horrekin lotuta, Zabalak azpimarratu du umeei txikitatik gai horiei buruz normaltasunez hitz egin beharko litzaiekeela.
Eutanasia
Azkenaldian bolo-bolo dabilen gaia da eutanasiarena, eta hilaren 20ko solasaldian horri buruzko hausnarketarako tartea ere egongo da.