Gaur egingo du emakume taldeak azkeneko batzarra

Martxoaren 8an emakumeen ahalduntzea aldarrikatzeko egun osoko mobilizazioak egingo dira. Egun osoko egitaraua prest dute jada.

Heteropatriarkatu kapitalistari planto! lelopean, hainbat mobilizazio eta ekintza antolatzen dihardu azken hilabetean Antzuolako emakume taldeak. Gaur, egubakoitza, egingo dute azken batzarra, Martxoaren 8an egingo diren ekintzak eta mobiliza-zioak zehazteko, 17:30ean, Olaranen.Bost ardatzetan oinarritzen da Martxoaren 8an deitutako greba feminista: pentsionistak, ikasleak, zaintza, enplegua eta kontsumoa.

Hala, Martxoaren 8an, goizean hasiko dira aldarrikapenak Antzuolan. Herriko emakume taldeak 09:30ean kalejira abia-tuko du Beheko auzotik. Ondoren, herriko plazan gosaria egingo dute. Amantalak etxetik eroateko dei egin dute. 12:00etan elkarretaratzea egingo dute Zurrategin eta 14:00etan bazkaria –norberak etxetik eroandako jakiak elkarbanatuko dira–.Arratsaldeko zazpietan, manifestazioa egingo dute herriko kaleetan barrena.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.