Antzuolako askotariko eragileak batu dira larrugintzaren inguruko hausnarketa saioan

Antzuolarrak larrugintzari buruzko saioan.

25 bat lagun elkartu dira, goizean egindako saioan. Larrugintzaren garrantziaz egin dute berba, eta herriko ondare historikoa balioan jartzeko egin daitekeenaz hausnartu dute. "Ideia politak irten dira. Larrugintza hartu dugu oinarri, baina ondare historikoaz ere jardun dugu", esan du kultura zinegotzi Usoa Agirrek. Herri Batzarrean esandakoak Kultura batzordean aztertuko dituzte orain. 

Herrian eragiten duten hainbat taldetako ordezkariekin batera, udal ordezkariak eta herritar anonimoak egon dira. Tartean, inoiz narrua landu izan duten antzuolarrak. Berba egin, hausnartu eta ideiak jasotzea zen gaurko batzarraren helburu nagusia. Alde horretatik pozik daude udal arduradunak. 

Oraingoz ez dute halako saio gehiagorik egingo. Hurrengo pausua izango da gaurkoak eman duenari forma ematea.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.