Hodei Lete antzuolarra eta Gorka Goikoetxea arteagarra Zeanuriko Zulaibar Lanbide Ikastegiko irakasleak dira, eta, hain zuzen, hanketako eta besoetako lesioak arintzeko 3D inprimagailuz sortutako plastikozko ferulak diseinatzeagatik sarituak izan dira.
Batetik, Start Up-en nazioarteko lehiaketa baten finalistak izan dira, eta, bestetik, Arratiako Udalen Mankomunitateko enpresa ideien lehiaketa ere irabazi dute. Azken horrekin 6.000 euroko saria jaso dute eta Letek jakinarazi du "produktua hobetzeko" baliatuko dutela.
Igeltsuen ordezko ferulak
"Pertsona baten lesioari eskanerra egingo diogu, atal hori digitalizatu eta horrela ferula pertsonalizatua sortu ahal izateko. Gainera, lesio horri komenigarrien zaion posturan izango da ferula, errekuperazioa azkartzeko. Batez ere, goi errendimenduko kirolentzat dago pentsatua, pisu gutxiago baitu, eta, igeltsuarekin ez bezala, jarri eta kendu egin daiteke tratatu ahal izateko", argitu du Letek.
