Bi mendez, motor
Antzuolaren motor ekonomikoa larrugintza izan da bi mendez. Herriak narru langintzarekin harreman eta tradizio handia izan du, eta, desagertuta dagoen langintza den arren, ondarearen zati bat Udalak gordeta dauka biltegian. Orain, herritarrek ondare eta material horrekin guztiorrekin zer egin gura duten hausnartu eta erabaki beharko dute bihar egingo den saioan.
Zurrategiaren historia
1.790ean sortu zuen Bareñok larrua ontzeko lehen lantegia, Kalebarren auzoan. Ondoren etorri zen, 1880an, Lamariano y Cia enpresa. Ondorengoak dira ere azken biak: Galarza Hermanos y Arbulu eta Hijos de Jose Telleria.
