Aurten bi hamarkada betetzen dituztenez, orain arteko ibilbidea errepasatzeko erakusketa antolatu zuten barikuan Anelkarreko lagunek. Kongon, Senegalen, Brasilen edo Saharan burututako elkartasun proiektuei buruzko argazkiak eta prentsa-ebakinak jarri zituzten, eta herritarren partez "erantzun paregabea" jaso zutela adierazi dute.
"Bost panelekin osatu dugu erakusketa, gure proiektuei buruzko argazkiekin, prentsa-ebakiekin ... eta horrez gain, 15 minutuko ikus-entzunezko bat ere proiektatu dugu" adierazi du Anelkarreko kide den Jabi Etxanizek.
Dudak izan zituzten erakusketak izan zezakeen erantzunari buruz; barikua zelako, eta eguraldia ez zelako aproposena. Baina, beldur guztiak uxatu egin zitzaizkien, antzuolarrek emandako erantzunaren aurrean. "Benetan eskertuta gaude antzuolarrei. Erantzuna paregabea izan da. Etxetik jakiak ekartzeko eskatu genuen, eta mordoa jaso genituen. Horrez gain, gure proiektuak finantzatzen jarraitzeko itsulapikoa jarri genuen, eta 578 euro batu genituen. Milesker denei, bihotz-bihotzez!"
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
