Eguneko Zentroa eta Etxebizitza Babestuen zerbitzuak barrutik ezagutuz

Atzo arratsaldean eta gaur goizean Eguneko Zentroa eta Babestutako Etxebizitza zerbitzua gertutik ezagutzeko aukera izan dute antzuolarrek, hamargarren urteurrena baliatuta. Gizarte Zerbitzuen zinegotzi Alaitz Igarzabalek jakinarazi duenez, hainbat herritar gerturatu dira Torresoroara, "gehienbat adin nagusiko jendea".

"Ikusten genuen herritarrek ahaztuta zeukatela edo ez zekitela oso ondo zer eta nola egiten den hemen, eta hori erakutsi gura izan diegu urteurrenaren aitzakia baliatuta", azaldu du Igarzabalek.

Eguaztenean, bestalde, luntxa egingo dute, 16:00etan, erabiltzaileen familiekin eta udalbatzako ordezkariekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.