Ez da makala Juan Miguel Lizarraldek, Jesus Igarzak eta Joxe Anjel Arbuluk jaso berri duten aitortza. 100 bider eman dute odola, eta oroigarri berezia eman diete Gipuzkoako odol-emaileen elkarteko kideek. Baina, guztira, hamaika antzuolarrendako izan da aitortza. Aipatutako hiru horiez gain, beste zazpik ere jaso dute oroigarria eta diploma: Remigio Zabaletak eta Andres Arbuluk 75 bider eman dutelako odola; Gorka Garitanok eta Pedro Jose Igarzak, 50 bider; Amaia Toledok eta Maria Aquilina Garciak, berriz, 40 bider eman dute odola; eta, azkenik, Pantxike Arinek eta Ramon Romerok 25 bider odola eman izanagatik jaso dute aipamen berezia. Eibarren ospatu zuten Gipuzkoako odol-emaileek aurtengo festa, pasa den asteburuan.
Hurrengoa, urtarrilean
Antzuolako Olaran aretoan odola emateko aukera egongo da berriro urtarrilean. Herriko odol-emaileen elkarteak odola ematera animatu gura ditu herritarrak, "beharra" dago eta.