Herritarrek lehenetsi dituzte 2018-2021 artean egin beharrekoak

Antzuola eitten prozesuak herritarrekin adostutako ekintza plana oso-osorik aurkeztu dute Olaranen. Antzuolarrek erabaki dute nolako Antzuola gura duten eta noiz. Jarraian, 2018 eta 2021 urte artean  lehenetsi dituzten ekintza batzuk:

Lehentasunak jarri dituzte 2018 eta 2021 urteen artean egiteko. Aurrerantzean, Udalak lan egiteko herritarren hitza helduleku izango du gainera.

Ekonomia eta ingurumena

Arlo honetan herrian dauden baliabide naturalen ustiaketa aukeren inguruan diagnosia egitea lehenetsi dute herritarrek. Eraikinetan eguzki energiaz ura berotzeko sistema ezartzea eskatu dute. Hondakin gutxiago sortzeko neurriak hartzearen eta zero zabor filosofian sakontzeko nahia ere erakutsi dute.

Pertsonen garapena

Eskolako eredu pedagogikoa mantendu eta hobetzeko, hezkuntza eragileekin proiektu zehatza lantzea gura du herriak.

Bizikidetza

Etorri berrien seme-alabak dinamika ezberdinetik kanpo gera ez daitezen neurriak hartzearen beharra jaso dute arlo honetan, besteak beste.

Zerbitzu soziala

Herrian dauden etxe zahar eta hutsen inguruko diagnostikoa egiteko beharra jaso dute. Osasun zerbitzuaren azterketa egitea ere lehenetsi dute herritarrek. Hala, Antzuolak dituen beharretara egokitu dadin osasun zerbitzua.

Herri kudeaketa

Emakumeen ahalduntzea lantzeko espazio bat sortzea, eskalatzeko gunea izatea, gimnasioa irekitzea eta Ibarrondo atzeko erreka bainatzeko egokitzea aztertu dute, beste beste.

Antzuolako ekintza plana 2018-2030 oso-osorik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.