Pirinioetan barrena ibili dira Arrolako mendizaleak: "Leskunetik Zurizara eta Zurizatik Etxoko aranean barrena ibili gara 15 lagun. Zurizako aterpetxean lo egin eta egunero 7-8 ordu ibili gara. Eguraldi aparta, giroa ezin hobea eta talde bikaina izan dugu; asteburu paregabea pasatu dugu", kontatu dute Arrolako batzorde kideek.
Laster Aramaio aldeko parajeetara egingo dute gainera irteera: "Animatu herritarrak egiten diren irteeretara! Hurrengo irteera Santa Cruz apaiza egondako kobazuloa bisitatuko dugu, Aramaion, eta goizeko irteera izango da".