Ibon Gezalaga: "Denis Itxasorekin batuko gara Eztalako aldagelen egoeraz berba egiteko"

Maider Arregi 2018ko uzt. 7a, 09:34

Atzo arratsaldean egin zuen AKEk Urteko Batzar Orokorra. Urteko ekintzen eta diru-kontuen balantzea egin zuen zuzendaritza batzordeak eta denboraldi berrian zein entrenatzaile ariko diren lanean ere argitu zuen. Eztalako aldagelen proiektuaren egoeraz ere jardun zuten.

Ez zen herritarrik gerturatu atzoko batzarrera, baina azkenean, batzarra egitea erabaki zuen AKEko zuzendaritza batzordeak. "Zuzendaritza batzordeko kideak eta iazko presidente Mikel Kerexeta soilik izan gara batzarrean; pena da gai garrantzitsuak geneuzkalako herritarrei ere jakinarazteko", azaldu du Ibon Gezalaga klubeko presidenteak.

Eta gai garrantzitsu horietako bat Eztala futbol zelaiko aldagelen proiektuaren egoera da. "Irailaren 7an,  Kirol Diputatua den Denis Itxasorekin batuko gara. Aldagelen egoeraz jardungo dugu eta irtenbide bat bilatzen saiatuko gara. Lehentasuna duen gaia dela esango diogu. Pozik gaude azkenean lortu dugulako diputatuaz batzea".

Superabita

Klubak osasuntsu amaitu du denboraldia. "Ia hiru mila euroko superabita daukagu eta gorde egingo dugu ezustekoren bat edo azken orduko zerbaiti erantzun ahal izateko. Urteko balantzearen balorazio positiboa egiten dugu".

Helburua beteta

"Gure helburua da gaztetxo guztiek jokatzea eta kirola egitea; ondo pasatzea eta disfrutatzea bereziki kategoria txikietan. Hala, helburua lortu dugula uste dugu".

Klubeko entrenatzaileak

Infantilak: Serafin Tena

Kadeteak: Iker Gardoki, Mikel Jauregi eta Ander Aranburu

Jubenilak: zehaztu gabe

Preferente maila: Josu Zubikarai

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak