Domekan egingo dute erretiratuek urteko bazkaria

Etzi, domeka, ospatuko dute erretiratuek urteko bazkaria. Landatxope elkarteko erretiratuek urtero egiten dute ospakizun jaia. Herriko nagusiak omentzeko bidea ematen du, gainera, egunak.

Bazkarian 100 bat bazkide

Domekako bazkarirako 100 bat bazkidek eman dute izena. Horiez gain, erretiratuen elkarteko batzordeko kideak eta laguntzen ibiltzen den boluntario taldea ere izango dira bazkarirako. "Udaleko bi ordezkari ere gonbidatu ditugu", gaineratu du Pilar Etxanizek.

Eskolako patioan izango da bazkaria, 14:00etan. Menua izango da: entremesak, marmitakoa, txahal biribilkia eta hostopil tarta izozkiarekin.

Musika giroa

Erretiratuen Eguneko bazkaria aprobetxatzen dute herriko "bi nagusienak" omentzeko. Etxanizek azaldu du: "Jaietako zapia jartzen diegu bi erretiratu horiei". Bazkalostean musika izaten dute. "Herriko musikari Tomas Gesalagak abestuko du lehenengo. Ranchera doinuak ekarri izan ditu, dantza girokoak", dio Etxanizek. Ondoren, Isidoro Martin soinujolearen txanda izango da. "Dantza sueltoan egiteko egokiak" diren abestiak eskainiko ditu, bai euskal abestiak eta baita bestelakoak ere.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.