Migel Anjel Lizarralde da Landatxopeko presidente berria

Atzo arratsaldean egin zuen Landatxope erretiratuen elkarteak urteko batzar orokorra. 2017ko ekitaldiko diru kontuak eta 2018rako aurrekontua aurkeztu eta aho batez onartu zuten. Elkarteko presidente berria ere aukeratu zuten. Migel Anjel Lizarralde izango da beraz datozen urtetarako presidentea.

2017an egindako ekintzak eta aurten egitekoak direnak ere aurkeztu zituzten atzoko batzar orokorrean. Landatxopeko Zuzendaritza Batzordearen herenak ere aldaketa izan du eta Jesus Muruamendiarazek presidente kargua utzi du. Bere ordez, Migel Anjel Lizarralde izango da elkarteko presidente. 

Pilar Arangurenek eta Felix Alonsok ere batzordea utzi dute Milagros Etxezarreta eta Jose Mari Iparragirre (bokalak) sartu dira. Batzarkideak, egindako lana eskertu zieten batzordea utzi dutenei txalo zaparrada batekin. Batzarrean 57 bazkide egon ziren. Batzarra amaitzean luntx batez disfrutatu zuten eta urrian Oportora egin zuten bidaiako argazkiak ikusi zituzten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.