Herriko pentsiodunek euren eskubideak eta pentsio duinak aldarrikatu zituzten asteleheneko elkarretaratzean. 70 lagun inguru batu ziren Herriko Plazan. Martxoaren 17an, zapatuan, Donostian egingo den manifestaziora joateko deia ere egin zuten. "Herritar orok parte hartzeko dei egiten dugu; hurrengo belaunaldien panorama okerragoa izango da-eta". Autobusa Sagastitik 16:15ean aterako da bihar.
Ekonomian katedraduna den Miren Etxezarretaren hitzak izan zituzten atzoko elkarretaratzean presente: "Pentsioen inguruan azken bi hamarkadetan hartu diren erabakiak azaldu ditu Etxezarretak eta argi baino argiago utzi du borondate politikoa falta zaiola Gobernuari; nahiko diru publiko badagoela dio eta gakoa nola banatzen den da: adibidez ejerzitoak eta errege-etxeak lehentasuna dute eta zerbitzu publikoen pribatizazioa bultzatzen dute", argitu zuten erretiratuek.
Astelehenero 12:00etan elkartzeko konpromisoa hartu dute herriko erretiratuek, plazan. Eta, zapatuan, martxoaren 17an Donostiako manifestazioan ere izango dira. "Herriko edonorri egiten diogu dei mobilizazioetan parte hartzeko, izan ere, gobernuaren asmoak gauzatzen badira, hurrengo belaunaldien panorama okerragoa izango baita".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
