Alberto Iñurrategiren hitzaldiak irekiko du Mendi Astea

Antzuolako ikazkinak

Antzuolako Mendi Astea martxoaren 21etik 25era ospatuko da. Baina dagoeneko Arrola Mendizale Elkarteak eman ditu jakitera antolatu dituzten ekintzak zeintzuk izango diren. Mendi Astea borobiltzeko Antzuolako basoetan barrena irteera egingo dute eta ikazkinen txondor lekuak eta oraindik ere geratzen diren haginak ikusteko aukera izango da.

Martxoak 21, eguaztena

Alberto Iñurrategi alpinistarekin solasaldia, Torresoroan 19:00etan (sarrera 5 euro)

Martxoak 22, eguena

Xabier Paternain goi mendi gidariaren solasaldia, Torresoroan 19:00etan

Martxoak 24, zapatua

GPS ikastaroa. Olaranen 10:00etan. Izena aurrez eman behar da arrolamt@gmail.com

Martxoak 25, domeka

Mendi irteera, Olaranen 09:00etan. Basoak eta ikatza. Haginak, pinuak, pagoak... ezagutzea da helburua Antzuolako lurretan barrena.

"Garai bateko bidea garbitu dugu auzolanean. Herriko hainbat baso eta zuhaitz (haginak, pagoak, izeiak, pinu gorriak) ezagutzea da helburua, eta bide batez basoan eta gure udalerrian dauden hagin bakarrak ikusteko aukera ere izango dugu. Bide batez baita ikazkinek egindako txondor lekuak eta ikatza bera ere.
Lau bat orduko ibilbidea izango da, eta goizeko 09:00etan aterako gara Olaranetik, Arrandari eta Koroso aldera, garai bateko bidea erabiliz", azaldu dute Arrolako kideek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.