"Oso haserre gaude egin duten pentsio igoera miserablearekin"

Antzuolako erretiratuak ere oso haserre azaldu dira Gobernuak egindako %0,25eko igoerarekin. "Oso haserre gaude Gobernuak egin duen pentsio igoera miserablearekin", azpimarratu dute herriko erretiratuek. Donostiako manifestaziora ere joan zen herriko erretiratu talde bat.

"Egoera hau salatzeko Donostian, otsailaren 22an, egin zen manifestazio jendetsuan hartu genuen parte. 35 pertsona izan ginen bertan gure eskubideak aldarrikatuz. Aurretik baina, Herriko Plazan batu ginen eta, protesta gisa pentsioaren %0,25eko igoeraz informatzen zuten gutunak itzuli genizkion Madrileko Gobernuari posta bulegoan utziz. Manifestazioa jendetsua izan zen eta pozik etorri ginen Antzuolara Donostian ikusi zen parte hartzeagatik eta elkartasunagatik", azaldu dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.