Mendiaz eta historiaz gozatzeko aukera Arrolarekin, domekan

Domekan, otsailak 25, irteera antolatuko du Arrola Mendizale Elkarteak. Zumarragako parajetara egingo dute irteera, goizez eta sorpresaren bat edo beste izango da parte-hartzaileendako. Bertako natura eta historiaz gozatzeko aukera izango da.

"Goizeko 8:30etan egingo da irteera Olaranetik, kotxetan. Ibilbidea zirkularra izango da, eta Zumarragan hasita (357 m.), Agiña (Aginaga) auzora joango gara. Hemendik Oleta lepora, eta ondoren Samiño gainera (933 m.). Hemendik Izaspi (967 m.) mendia igoko dugu, eta behin gaina hartuta Zumarragako bidean, Antiguako ermitan geldituko gara. Bertatik, Zumarragara jaitsiko gara. Oleta-Samiño bitartean historiaurreko monumentu megalitikoak (tumuloak) ikusteko aukera dago. Bukaeran, berriz, Jorge Oteizak ermiten katedrala izendatu zuen Antiguako baseliza ikusteko aukera ere egongo da, eta bertan ezkutatzen den dragoia ere bai. Sari berezi bat egongo da dragoia aurkitzen duenarentzako!!! Lau orduko ibilbidea izango da, erakargarria eta lasaia. Animatu!", azaldu dute Arrolatik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.