Aurten ere, Saharar Herriaren Lagunen Euskal elkarteak kanpaina jarri du martxan. "Gaur bertan hasita, Elkartasun kanpaina abian da eta helburu nagusia saharar herriari elikagaiak helaraztea da, Tindufen (Aljeria) errefuxiatutako sahararrek gaur egun jasaten duten elikadura krisi larria ahal den neurrian arintzeko", azaldu du Anelkarrek.
Kanpainan parte hartzeko honako elikagaiak batu daitezke: hegaluzea eta sardinak oliotan; arroza, azukrea, pasta, lekaleak... Helduentzako fardelak eta konpresak biltzea ere proposatu dute horiexek baitira sahararrentzako elikadura osagarria biltzeko estatu mailan egin den banaketan EAEri egokitu zaizkion elikagaiak. Eskolan, Aixan, Amaia Eroski dendetan jasoko dira elikagaiak.
Iaz 45 kaxa eta 688 kilo batu ziren antzuolarren elkartasunari esker. Aurten kopuru hori gainditzeko, herritarrei dei berezia egin diete elkarteek.
