Urte berriari ongi etorria eman diote Arrolan

Aurten ere bete da tradizioa eta urte berriari ongi etorria emateko 60 bat lagun elkartu dira Lizargarate baserrian salda eta txorizoa dastatuz. 1972an sortu zen ofizialki Arrola Mendizale Elkartea, eta harrez geroztik ari da urtarrilaren 1ean urte berriari ongi etorria ematen. Arrola-Koroso aldera etortzen diren mendizale guztiei, salda beroa eta txistorra eskaintzen zaie bertan", azaldu du Iñigo Ramirez de Okariz historialari antzuolarrak.

Urtero, Jose Lizarralde, Zupide-k, prestatzen du bezperan salda. "Nahiz eta une honetan Jose, elkartearen batzordeko partaidea ez izan, urtero bere gain hartzen du egun honen ardura, Arrola elkartean dauden beste partaide batzuekin batera".

Aurten ere bete da tradizioa, eta 60 bat lagun elkartu dira Lizargarate baserrian. "Pare bat urte badira tokiz aldatu beharra izan zela salda hartzeko tokia. Hasiera batean Argilekun izeneko bordan (Koroson) egiten zen ospakizun hau, baina duela pare bat urte edo Lizargaraten egiten da, bertako erosotasuna ere (sukaldea, egoteko lekua...) egokiagoa baita".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.