Antzuolako San Esteban kroserako izenematea zabalik dago

Xabier Urtzelai 2017ko abe. 5a, 16:34

Abenduaren 26an, asteartean, egingo duten San Esteban krosserako izen-ematea zabalik dago. Abenduaren 15a da izena emateko azken eguna, eta aurreko edizioetan moduan, izena udaletxean, liburutegian eta liburu dendan eman daiteke. 

San Esteban krosak hiru hiru txanda izango ditu, ahalik eta antzuolar gehienek parte har dezaten. 17:30ean, 5-8 urtekoak; 17:45ean, benjaminak, alebinak eta infantilak eta 18:00etan kadete eta helduak.

Aipatu moduan, abenduaren 15a da izena emateko azken eguna, eta epe horretatik kanpo izena ematen duenak ez du Ternua sarien zozketan parte hartzeko aukerarik izango. Kategoria txikiei dagokienez, berriz, izena eman eta lasterketa bukatzen duten ume denek jasoko dute domina. Hala, Udaletik zehaztu dute ordutegi bakoitzean maila desberdinetako gaztetxoak batera irtengo direla, baina maila bakoitzak bere ibilbidea egingo duela. Amaitzeko, lasterketa behar bezala antolatzeko, bolondresak behar dira ibilbideko bidegurutzeetan egoteko eta hainbat lan egiteko, hortaz, animatu laguntzera eta eman izena. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak